Monday, 19 November 2018 13:28

ኢትዮጵያና ኬንያ ለአካባቢው ትስስርና ሰላም በጋራ መስራታቸውን እንደሚቀጥሉ ገለጹ

  • Print
  • Email

ኢትዮጵያና ኬንያ ለአካባቢው ልማትና ትስስር በጋራ በመስራት ቀጠናውን ወደ ተሻለ ሁኔታ ለማሸጋገር የሚያደርጉትን ጥረት አሁንም አጠናከረው እንደሚቀጥሉ አስታወቁ
ለአፍሪካ ህብረት የመሪዎች ጉባኤ አዲስ አበባ የሚገኙት የኬንያው ፕሬዝደንት አሁሩ ኬንያታ ከክብርት የኢፌዴሪ ፕሬዝደንት ሳህለወርቅ ዘውዴ ጋር በሁለትዮሽና በአካባቢያዊ ጉዳዮች ላይ ምክክር አድርገዋል፡፡
“የኢትዮጵያ ርዕሰ ብሄር ሆነው በመመረጥዎ እንኳን ደስ አለዎ ”በሚል መልዕክታቸው ውይይታቸውን የጀመሩት ፕሬዝደንት ኡሁሩ ኬንያታ የክብርት ፕሬዝደንት ሳህለወርቅ ርዕሰ ብሄር ሆኖ መመረጥ ትርጉሙ ብዙ ነው ብለዋል፡፡
ኢትዮጵያ እና ኬንያ ለራሳቸው ብቻ ሳይሆን ለአካባቢው ብዙ ማበርከት የሚችሉት ነገር መኖሩንም ነው ፕሬዝደንት ኡሁሩ የተናገሩት፡፡ ለዚህም ውጤታማነት ሁለቱ ሃገራት በተቀናጀ መንገድ እንደሚሰሩም ተናግረዋል፡፡
ፕሬዝደንት ሳህለ ወርቅ ዘውዴ በበኩላቸው ኢትዮጵያ እንደዚህ ቀደሙ ሁሉ ለአካባቢው ትስስር የሚጠበቅባትን ሁሉ ማበርከቷን እንደምትቀጥል አመልክተዋል፡፡ የኢትዮጵያ ፍላጎት አካባቢው የሰላምና የልማት ማዕከል ማድረግ ነው ያሉት ፕሬዝደንት ሳህለወርቅ ለዚህም በማሳያነተ በአሁኑ ወቅት ኢትዮጵያ በራሷም ሆነ ለአካባቢው ብልጽግና እየወሰደቻቸው ያሉትን እርምጃዎች ጠቅሰዋል፡፡

Leave a comment

በማህበራዊ ድረገፅ ይጎብኙን

የኢፌዴሪ ፕሬዝደንት