Friday, 20 August 2021 12:07

ፕሬዘዳንት ሣህለ ወርቅ / በአሜሪካ የኢትዮጵያዊያን ተወካዮችን አነጋገሩ Featured

  • Print
  • Email
ፕሬዘዳንት ሣህለ ወርቅ / በአሜሪካ የኢትዮጵያዊያን ተወካዮችን አነጋገሩ
ነሐሴ 6 2013
ፕሬዘዳንት ሣህለ ወርቅ ዘውዴ በአሜሪካ የኢትዮጵያዊያን የሠላም ልዑካንን አነጋገሩ። ዘጠኝ አባላት ያሉት እና ከ13 የሲቪክ ተቋማት የተወከሉ ትውልድ ኢትዮጵያዊያንን ያካተተው እና ኘ/ር ብሩክ ኃይሉ የተመራው የሠላም ልዑኩ በኢትዮጵያ የተለያዩ ክፍሎች በመዘዋወር ተፈናቃዮችን ጎብኝቷል ፣ ድጋፍም ማድረጉን አመልክቷል።
የሀገራቸውን መልካም ገጽታ ለመገንባት በተለይ በሚኖሩባቸው የአሜሪካ ግዛቶች የሚገኙ የአሜሪካ ምክር ቤት አባላት በቂ እና ትክክለኛ መረጃ እንዲኖራቸው ለማድረግ ከፍተኛ ጥረት በማድረግ ላይ መሆናቸውን አባላቱ አብራርተዋል።
ኢትዮጵያን መውደድ በተግባር መታየት እንዳለበት አጽንኦት የሰጡት ፕሬዘዳንት ሣህለ ወርቅ የኢትዮጵያ ጉዳይ ለተወሰኑ ብቻ ያልተከለለ በመሆኑ ያገባኛል ብለው እያከናወኑ ላለው ተግባር አመስግነዋል።
የእናት ሆድ ዥንጉርጉር እንዲሉ ሁላችንም የተለያየን በመሆናችን በቤተሰብ ደረጃ እንደምናደርገው ሁሉ ሰንሰለቱን ሳንበጥስ ተቻችሎ አብሮ መኖር ፣ አንዳችን ለአንዳችን የሠላም ምንጭ እንጂ የጥላቻና የስቃይ ምንጭ ላለመሆን ሁላችንም በርትተን መሥራት አለብን ብለዋል፡፡

Leave a comment