የፕሬዚዳንቱ ሥልጣንና ተግባር

፩. የሕዝብ ተወካዮችን ምክር ቤትና የፌዴሬሽን ምክር ቤት ዓመታዊ የጋራ ስብሰባ ይከፍታል።

፪. በዚህ ሕገ መንግሥት መሰረት የሕዝብ ተወካዮች ምክር ቤት ያጸደቃቸውን ሕጎችና ዓለም አቀፍ ስምምነቶች በነጋሪት ጋዜጣ ያውጃል።

፫. ሀገሪቷን በውጭ ሀገሮች የሚወክሉትን አምባሳደሮችና ሌሎች መልዕክተኞች በጠቅላይ ሚኒስትሩ አቅራቢነት ይሾማል።

፬. የውጭ ሀገር አምባሳደሮችንና የልዩ መልዕክተኞችን የሹመት ደብዳቤ ይቀበላል።

፭. በሕግ መሰረት ኒሻኖችና ሽልማቶችን ይሰጣል።

፮. በጠቅላይ ሚኒስትሩ አቅራቢነት በሕግ በተወሰነው መሰረት ከፍተኛ የውትድርና ምዕረጎችን ይሰጣል።

፯. በሕግ መሰረት ይቅርታ ያደርጋል።